معروف عن فصل الشتاء في العالم كله انه صعب فيها البيع سواء في مجال العقارات أو في أي مجال تاني.

 أغلب العملاء يمتنعون عن الشراء ومش بيستجيبوا مع اللي بتقدمه سواء خدمة أو منتج، برغم انهم هم نفس العملاء اللي بيشتروا في باقي السنة. 

ايه السبب في كدة وإزااي تقدر تتغلب عليه وتحقق معدل مبيعات أعلى من الجميع خاصة في فصل الشتاء؟

أول حاجة لازم تفهم دوافع شراء العملاء وايه هو السبب الحقيقي اللي يخلي العميل يشتري منتجك، مثلا في عملاء بتشتري عقارات استثمارية، فايه هو دافعه وراء الاستثمار ده؟

 عادة العميل بيبحث عن الأمان فهو اختار شراء منتج عقاري بدلًا من وضع مدخراته في البنك أو في خزنة في البيت علشان يضمن عائد من الاستثمار وكمان يحقق ربح أعلى في حالة البيع.

بعض العملاء بيشتري بغرض التباهي أو كسب المكانة الاجتماعية، والعميل في الحالة دي بيختار منتج بعينه وعلامة تجارية محددة لمجرد وجود دائرته المحيطة بها.

الأسواق بصفة عامة غير متوقعة، ولهذا يجب أن يكون لدى الفرد سيناريوهات مختلفة" — جورج سوروس، رجل أعمال ومستثمر أمريكي

"تحدث إلى زبائنك بلغتهم وتكلم عن الأشياء التي بقلوبهم" — جوناثان ليستر، مدير المبيعات في لينكد ان

علشان كده لازم تفهم احتياج العميل ومخاوفه والقيم اللي مقتنع بيها كويس، وايه القيم اللي بيقدمها منتجك للعميل، علشان يكون عندك صورة أوضح عن عميلك وسبب امتناعه عن الشراء في فترة ما، وتقدر تحول احتياجاته للمنتج اللي بتعرضه أو تبديد مخاوفه من الشراء في وقت معين.

في النهاية لما تفهم منتجك كويس وتفهم دوافع عميلك تقدر تحقق أعلى معدل للمبيعات لك في أي وقت من السنة.